Torsdag 28. september kjem Lars Petter Sveen til Ålesund. Han fekk svært gode kritikkar og mange lesarar med si førre bok, Guds Barn, og Morgenbladet har kåra han til ein av dei viktigaste unge forfattarane i landet. I haust er han aktuell med ny roman, Fem stjerner, som det er knytt store forventningar til.Fem stjerner handlar om barnesoldatane Aisha og Cali, som rømmer frå ein leir utanfor Mogadishu. Saman med tre andre forsøker dei å rømme gjennom Etiopia, Libya og over Middelhavet til Europa. Vi møter forfattaren til samtale om romanen.
Arrangementet skjer i samarbeid med Høstscena, og er del av serien «Avmakt», der vi spør kva som skjer med menneska som møter vansker og kriser som kjennest uoverkommelege, og korleis dette er ei sentral drivkraft i litteraturen.
Stad: Arbeideren kulturhus, 28. september 2017
Tid: TBA
Inngang: 50,- (medlem i Ålesund litterære salong), 80,- (ikke medlem)